Биз ҳақимизда

«Puls - Bah» Ўзбекистон-Америка қўшма корхонаси масъулияти чекланган жамияти 1993 йили рўйхатга олинган ва Ўзбекистон Республикасининг ташқи иқтисодий фаолияти иштирокчиси саналади.

Корхонамиз импорт ўрнини босувчи маҳсулот ишлаб чиқаради, бу эса Ўзбекистон Республикаси ташқи иқтисодий фаолияти ва инвестиция сиёсатининг энг устувор мақсади ҳисобланади. Шунингдек, корхонамиз респуубликамиздаги сантехника буюмларини ишлаб чиқариш бўйича етакчи корхоналардан саналади.
«Puls - Bah» қўшма корхонаси Европа технологиялари бўйича ҳамда полиэфир смола ва маҳаллий хом ашё материалларидан фойдаланган ҳолда сантехника буюмлари ишлаб чиқаради. Бугунги кунда «Puls - Bah» ҚК МЧЖ ванна, душ тагликлари, раковинанинг 50 дан ортиқ тури, “Генуя” идиш ювиладиган раковина ва ускуналарини ишлаб чиқармоқда.

Зичлаштирилган ванналар — ванна ишлаб чиқаришнинг тараққиётидаги жадал йўналишдир.Зичлаштирилган ванналарнинг энг асосий жозибадор жиҳати – енгиллик, қоплама сифати ва замонавий дизайн. Замонавий талабларга кўра ванна етарлича енгил бўлиши, дастлабки оқ рангини сақлаб қолиши, тирналмаслиги ва дағал бўлмаслиги, осон таъмирланиши, имкон қадар геометрик шакли ҳамда гигиенага риоя қилиниши бўйича миллий меъёр ва стандартларга жавоб бериши, ва албатта оммабоп нархда бўлиши зарур. Зичлаштирилган ванна шу маънода деярли барча талабларга жавоб беради.

Зичлаштирилган ваннамизнинг каркаси жуда осон йиғилади ва ташиш учун қулайдир.
2 даражадаги мустаҳкамликка эга:
1-даража – пайвандланган рама оғирликни ваннанинг бутун туб юзаси бўйлаб тақсимланишини таъминлайди.

2-даража – ванна туби бўйлаб бўйлама ва кўндаланг асослар ундан энг кўп юк билан ҳам фойдаланишда ишончлилик ва мустаҳкамликка эришишини таъминлаб беради. Баландлигини ўзгартирса бўладиган оёқлари эса полингиздаги паст-баландликларга барҳам беришга ёрдам беради.

Зичлаштирилган ванналарнинг афзалликлари:

  • материалининг қайишқоқлиги ваннани ҳар қандай шакл ва ўлчамда яратиш имконини беради
  • вазни енгил
  • ванна юзидаги ёриқларни таъмирлаш имконияти
  • ўрнатиш ва олиб ташлашнинг осонлиги
  • иссиқдан ва шовқиндан яхши ҳимояланиш хусусиятлари
  • эмал билан қопланган ванналардан фарқли тарзда, сирпанчиқ бўлмаган юза.
  • тез вақтда ванна ичига қуйиладиган сув ҳароратигача исиш хусусияти, бу эса тананинг ваннанинг совуқ юзасига теккандаги нохуш ҳолатининг олдини олади.
  • вақт ўтиши билан чўян ванналардаги эмал сарғаяди ва ёрилиб кетади, зичлаштирилган ванналар бўлса сизга хизмат қилиш муддати давомида ўзининг илк ранги ва ярқирашини сақлаб қолади. Агар фойдаланишнинг тартиб-қоидаларига риоя қилинса, бу турдаги ванналар сизга камида 20 йил хизмат қилади
  • гигиенага риоя қилиш. Барча зичлаштирилган ванналарнинг юза қисмида бактерияга қарши қатлам мавжуд, бу эса бактерияларнинг пайдо бўлиши ва ванна юзига чиқиб қолиш имконини бермайди.
  • Зичлаштирилган ванналарни махсус тарзда ювиб туриш шарт эмас. У тайёрланган маҳсулотнинг текислиги эвазига ванна юзасида кир тўпланиб қолмайди. Унинг юзасини оддий ювиш воситаси қўшган ҳолда нам мочалка билан артиш ва душ билан чайқаб ташлаш кифоя.

Доимий ҳамкорларимизга биз алоҳида шартлар таклиф қиламиз.